تاج لاول مره

اختنا صانعة الحريه جزيتي خيرا على تمرير التاج -فرج الله كربك ويسر امرك وجبر تقصيرك وكسرك-امين

*********************

عندما ياتيك تاج لاول مره حاتشعر بشعوري لكن شيء جميل وممتع ان تخرج مابداخلك

وبدون مقدمات بسم الله نبدأ و عليه نتوكل

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

كنت حافتكر المثل اللي بيقول(لاتعيرني ولا اعيرك الهم طايلني وطايلك ) لان في الاخر كلنا في مركب واحده ومشاكلنا تقريبا كلها واحده

لكن فعلا ستظل مصر رغم كل مايحدث هي البوابه والمكان الذي ممكن ان يأتي من خلاله الحل لمشاكلنا كعرب وكمسلمين وده مش كلامي ده كلام ناس كتير اخرهم واحد صحبي لسه جي من بلد عربي

لو كنت أوروبي أو غير مسلم بردو إيه نظرتك للعرب والمسلمين؟

اولا الحمد لله على نعمة الاسلام وكفى بها نعمه

اكيد لم اكن لاصدر احكام مسبقه دون تحقق وكنت ححاول اقرأ عن الاسلام و عن المسلمين قبل ما اكيل لهم الاتهامات

لكن نظرا لان العرب والمسلمين لا يملكون طريقه يعبرون بها عن انفسهم بطريقه سليمه لذلك نظرتي حاتكون سلبيه جدا

لو قالولك إنت بقيت رئيس جمهورية هتعمل إيه؟

انا لا اتمنى ان اكون رئيس جمهوريه لانها امانه اثقل من جبال الكون كله

لكن ان كان ولابد وانتو مصممين يعني

فأول حاجه حاعملها هو1- اخلاء سبيل كل المعتقلين السياسين

2-محاكمه عادله لكل من توجه ضده تهمة فساد في العصر السالف ومحاسبة هؤلاء اللصوص الذين سرقوا البلد

3-اعادة الدعاه والعلماء والمفكرين المهاجرين من مصر خصوصا هؤلاء الذين تركوا بلدهم نتيجة البطش الامني

4-اعادة صياغة منظومة الاعلام حتى تخدم الانسان والفكر والارض

5-اعادة كتابة الدستور من جديد وفق ارادة الشعب

6-ثم انتخابات برلمانيه ورئاسيه جديده يتسلم على اثرها رئيس يستحق ان يكون في هذ المكان

وبالتأكيد حيكون حد غيري وبالتأكيد مش ابني

وبس....

لو كان ينفع ترجع طفل تاني وتخليك طفل علطول هترجع؟ وليه؟

اولا انا بحب الاطفال جدا جدا جدا وكمان جدا

لكني اظن ان فترة الطفوله دي ربنا يعطيها لنا حتى نلعب ونمرح طول هذه الفتره

لان بعد كده في فترات مافيهاش لعب لكن فيها حمل للامانه وتأديه للرساله وحركه دائبه حتى تعلو كلمة الحق

وانا كنت طفل ولعبت والان جاء دوري لاحمل العبء

علشان كده مش عايز ارجع تاني طفل

لو إنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخرولا تغرس فيه الامل لغاية لما يموت؟

اولا انا اعتقد ان بدون الامل لاتوجد حياه وان مفيش حاجه اسمها مستحيل على ارادة الله عز وجل

ويامه شوفنا ناس كان ميؤس من حالتها وربنا اكرمها وياما ناس حضرت اكفان ناس لكنهم ماتوا قبلهم

بالطبع ساذكره ان ارادة الله فوق كل شيء

وسأغرس فيه كل الامل حتى يكون حي حياه حقيقيه حتى لو مات

لان هناك ناس مات الامل في قلوبهم فهم موتى حتى ولو تحركوا بين البشر

وده مش معناه اني مش حاعرفه ان حالته خطيره او على الاقل اسرته واهله

وبعدين انا مش دكتور ولاممكن اكون في يوم دكتور لان مجال عملي مختلف تماما

لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

بعد ما قبل رأسه الشريفه ويديه وقدميه ساقول له كلمه واحده ::سامحني... انا احبك

لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟

ولا حاجه

لان الانسانه اللي ارتضيت ان ارتبط بها وان نتشارك اقدارنا وان نتوحد في كل شيء

هذه التي اخترتها على مقياس النبي- صلى الله عليه وسلم- فاظفر بذات الدين تربت يداك
هي في حد ذاتها كنز تغنيك عن اي شيء اخر رغم ان الاولاد شيء جميل

لكن لازم وقتها اسأل نفسي سؤال ماذا لو كنت انت في موقفها ماذا كنت تحب ان تفعل معك ؟؟؟؟؟؟

وبعدين ادعولى الاول اني اخطب وربك يسهلها بعد كده

لو طلعت القمرهتكتب إيه عليه؟

لقد مر من هنا مسلم من اتباع محمد - صلى الله عليه وسلم- هذا ما سأكتبه

لو كنا في عصر ازدهار الأندلس كنت تتخيل نفسك إزاي؟

اولا من فضل ربنا علينا ان احنا موجودين في هذا العصر عصر التضييق والصعوبات لان ده هو الوقت اللي تظهر فيه معاادن الناس ويتمايزون فيه تحت الابتلائات والمحن

اما عصور الرخاء واتساع نفوذ الدول فيغلب على الناس فيه الهدوء واللهو و الترف وخلافه

لكن لو كنا في عصر ازدهار الاندلس كنت حاكون اكبر اعلامي مسلم يطوف العالم بهذا الاسلام ويعرف الناس كل الناس عن هذا الدين

لو أنا مررت التاج ده لحد وما جاوبش عليه أعمل فيه إيه؟

اكيد مش حازعل منه وحالتمسله العذر

همرر التاج لـ

لكل مدون حايعلق على هذا التاج

*****************

طبعا دي اول مره اجاوب على تاج

انشاء الله تكون الاجابات عبرت عن ما يدور بنفسي

شكرا مره تانيه لاختنا صانعة الحريه

كان هذا كل شيء حتى الساعه

الشاعر بن هلال

من امام الكمبيوتر

مدونة اجري على الله