بحب الفجر فوق كفك

بحب الفجر فوق كفك

بريحة عطرك الصافي

ورغم الدمع في عنيه

ورغم الجرح من قيدي

معلم لسه في اديه

ورغم الغربه والوحده

وقضبان الحديد وقفه

ترد الضي من شمسك

تبعتر خوفي حوليه

ولما الخوف يحوطني

يسعني حضنك الدافي

ورغم الجرح يابلادي

ورغم الظلم يابلادي

حاعيش دايما انا في صفك

احب الخير على كفك

بريحة عطرك الصافي

شاهد على العصر

يحزنني كثيرا عندما اسير في شوارع مصرنا المحروسه واجدهذا المشهد العجيب :

رجل اقدامه بين البشر على الارض بين البني ادمين

ورأسه داخل صندوق قمامه تراه ماذا يفعل!!!!!!!

اكيد اكيد هو بيشهد على عصر الرخاء و التقدم و الرقي !!

اكيد هو شاهد على الحاله الاقتصايه الغير مسبوقه التي وصل اليها الشعب المصري !

اكيد هو شاهد على عصر السياده والرياده اللي احنا عايشين فيه

واكيد التاريخ حايحتفظ بهذه الصوره كشهاده على هذا العصر المبارك المجيد الذي نحيا فيه

واديها كمان حريه

الى الشاطر واخوانه

الى الشاطر واخوانه وبالطبع كل المجاهدين الذين يدفعون من اوقاتهم وحرياتهم واموالهم وارواحهم فدائا لهذه الامه:

خليك كده زي العلم

رفرف معاه

واحضن نسيم الفجر

واعشق ضياه

ردد معايا كل حرف

من كتاب الله

اللي اتولد جوه المساجد

جوه محراب الصلاه

لو الجبال يوم انحنت

مابينحني الا لربه اللي هداه

الشاطر خيرت

كثير من الناس من يكون له حظ من اسمه وهؤلاء يكون لهم مكانه ومكان بين الناس وعلى اسطر التاريخ ايضاًمن هؤلاء (خيرت الشاطر) هو شاطر بالفعل عندما تقرأ سيرة هذا الرجل صاحب السبعه وخمسين سنه سيره تشهد بشطارته فمن هو خيرت الشاطر:

من مواليد الدقهلية في 4/5/1950م• متزوج وله عشرة من الأولاد والبنات وثمانية من الأحفاد.الشهادات العلمية والجامعية التى حصل عليها ..• حاصل على بكالوريوس الهندسة- جامعة الإسكندرية عام 1974.• حاصل على ماجستير الهندسة- جامعة المنصورة.• حاصل على ليسانس الآداب جامعة عين شمس- قسم الاجتماع.• حاصل على دبلوم الدراسات الإسلامية معهد الدراسات الإسلامية.• حاصل على دبلوم المجتمع المدني والمنظمات غير الحكومية- كلية الاقتصاد والعلوم السياسية- جامعة القاهرة.• حاصل على دبلوم إدارة الأعمال- جامعة عين شمس.• حاصل على دبلوم التسويق الدولي- جامعة حلوان.أعماله ونشاطه الدعوى والسياسي ..• عمل بعد تخرجه معيدًا، ثم مدرسًا مساعدًا بكلية الهندسة جامعة المنصورة حتى عام 1981م حيث أصدر السادات قرارًا بنقله خارج الجامعة مع آخرين ضمن قرارات سبتمبر 1981م.• يعمل حاليًا بالتجارة وإدارة الأعمال، وشارك في مجالس و إدارة الشركات والبنوك.• بدأ نشاطه العام الطلابي والسياسي في نهاية تعليمه الثانوي عام 1966م.• انخرط في العمل الإسلامي العام منذ عام 1967م.• شارك في تأسيس العمل الإسلامي العام في جامعة الإسكندرية منذ مطلع السبعينيات.• ارتبط بالإخوان المسلمين منذ عام 1974م.• تدرج في مستويات متعددة وأنشطة متنوعة في العمل الإسلامي، من أهمها مجالات العمل الطلابي والتربوي والإداري.• عضو مكتب الإرشاد لجماعة الإخوان المسلمين منذ عام 1995م.• أقام لفترات مختلفة في اليمن والسعودية والأردن وبريطانيا، وسافر إلى العديد من الدول العربية والأوروبية والآسيوية.• يشغل حالياً منصب النائب الثاني لفضيلة المرشد العام للإخوان المسلمين منذ الأربعاء 21/1/2004م ...
واكيد انتوا عارفين الشاطر في مصر بيروح فيييين أكيد بيروح جنب خيرت الشاطر.
في الختام تحيه لاكاديمية العلوم البشريه الشاطر خيرت وكل الابطال الشطار خلف القضبان وأجري على الله

غريبه

غريبه وكل يوم اغرب

تشوف حالها وتتعجب

تشوف مالها وتستغرب

عاشق فجرها وليلها

ومن نيلها انا باشرب

بيجري حبها في دمي

وعايش فيها متغرب

بفكر فيها طول ليلي

وغنيلها مواويلي

بقول يامصر يا امي

دا فجرك وقته بيقرب

في احضانك يابلد الخير

انا وولادك الغالين

على ارضنا عايشين

ولا بنيأس ولا بنهرب

ومهما غربتي بتزيد

وجرحي كل يوم في جديد

بقراني حيجي العيد

وعيدك وقته بيقرب

كان نفسي اروح

كان نفسي اروح علشان بحبها عذرا قصدي علشان انا باعشقها كان نفسي اشارك في كتابة مستقبل احسن ليها كان نفسي اشوفها احسن واحسن كان نفسي اشوف عصر جديد فيها كان نفسي اروح كان نفسي اشارك لكن منهم لله قفلوا في وشي كل طريق ومابقاش قدامي الا اني ماروحش يعني قتلوها في يوم فرحها وكمان منعوني اني اروح عزاها منهم للهكان نفسي اروح وقول عايز قاضي لكل صندوق كان نفسي اروح واقول عايز حريه اكبر واكبر كان نفسي اروح واقول عايز بلدي تفضل حره كان نفسي اروح واقول عايز تداول سلمي للسلطه كان نفسي اروح واقول لا للطواريء لا للارهاب كان نفسي لكن منهم للهمنهم لله اللي منعوني اني اروح اللي سلقوا التعديلات في 48 ساعه اللي عدلوا اللي هما عايزينه بس وماخدوش غير بريأهم هم وبس وعمرهم ما سئلوا نفسهم سؤال انا عايز ايه ؟والشعب ده عايز ايه والبلد دي ايه اللي يصلحها اللي باعوا القطاع العام علشان مصلحتهم ومش مهم الناس تتشرد تموت من الجوع او من التعذيب او من اي حاجه المهم ان كروشهم تكبر وتكبر ولما لقوا نفسهم اتفضحوا دستروا الجريمه وبقالها نص في الدستور منهم لله اللي كمموا افواه اي حد بيعارضهم اللي عايزين بيتي يبقى سداح مداح اللي يحب يفتشه يتفضل في اي وقت وان حريتي الشخصيه مصادره من الان والى الابد وان اي واحد مصري هو متهم حتى تثبت برائته منهم للهوبعد ده كله عايزين اروح واحط صوتي في صندوق انا عارف انه متزور مسبقا واكون كومبرس في المسرحيه الهزليه دي لا ده بعدك لما تحترمني وتحترم ارادتي انا ممكن اروح واعطي صوتي لكن لما اكون مجرد مكمل للمسرحيه اللي اتألفت واخرجت من لجنة السياسات ومررت بمهزله رخيصه من نواب الحزب الوطني في مجلس الشعب انا اسف لان خلاص الشعب فهم ان طبيخ مطبخ الحزب الوطني به سم قاتل علشان كده مش حنشارك ومنهم لله